ngayon ko natuklasan ang sarap ng mabuhay,
ngayong nakilala ka at pag-ibig mo'y inialay,
wag sanang mangyaring tayo ay magkawalay,
sapagkat ang mundo ko'y mawawalan ng kulay

minahal na kita ng higit pa sa iyong akala,
kahit nga ang sarili ko'y hindi makapaniwala,
ang inyong abang lingkod wala namang magagawa,
kapag puso ang nagdikta, nagmahal, nagtiwala

pinatibok mong muli ang natutulog kong puso,
nakadama ng tuwa, lungkot at paninibugho,
sa sandaling panahong tayo ay nag-salo,
nabatid kong tunay ang iyong pagkatao

ang kasiyahan ko ngayo'y ikaw ang tanging dahilan,
madalas nangangarap at nakatulala sa kawalan,
ang iyong larawan walang sawang pinagmamasdan,
at ang iyong tinig nama'y paulit-ulit pinakikinggan

dito sa aking puso patuloy kitang dadalhin,
ang mga pangarap natin, halina't pagsaluhin,
ang landas mong tahak ang aking susundin,
sapagka't iyon ang ibig ng aking damdamin



"Share ko lang to, baka may maka-relate dyan kahit papano."